Teufen (Suitza)
Lasai antzean miatzen du zaldiak ingurua. Bisitaria adi aztertzen du, jakinminez edo beldur apurrarekin. Animali hau ez bait da sortua izan jendarte handietan ibiltzeko.
Zaldia profilez (Profile of a horse)
Etiketa: gogoko
Zurezko etxolaren barrua (The inside of a wood hut)
Teufen (Suitza)
Mendixka batean bazegoen zurezko etxola txiki bat. Atea zabalik zeukan. Barruan zurezko mahai bat ikusten zen. Eta zoru gainean, zurezko zorua ere, jostailu ahaztu bat hankazgora utzi zuen umeren batek. Albo batean dagoen leihotik argi urdinxka sartzen zen baina apenas lortzen zuen barrukoa ilunpetik ateratzen.
Flotatzen duten landareak (Floating plants)
St. Gallen (Suitza)
Ur iluna fondo moduan eta hosto borobilak haren gainean konbinazio ederra osatzen dute irudi ederra hartzeko. Forma eta tonuen kontrastean oinarritu da argazkia bere magi erakusteko.
Txikoria belarraren haziak (Seeds of a dandelion )
Waserauen (Suitza)
Txikoria belarraren fruituak prest daude hegaka aldegiteko. Laster alde egingo dute. Haize bolada aproposaren zain egotea baino ez du behar. Goxoki askatu eta haize gainean nabigatzen hasiko dira lur berriak konkistatzera.
Ur lasterka irakiten (Water goes like boiling)
Waserauen (Suitza)
Ura irakiten dagoela ematen du, beti behera joateko gogoarekin irakiten bezala.
Lore zuri bakartia (Lonely white flower)
Cardano (Italia)
Lore zuria ederra da beti. Bere hiru petaloek harro eusten diote tente.Txikia eta bakartia, belar xumeez inguratua dagoela, ezin politago agertzen da.
Txibirita xume bakartia (Simple and lonely daisy)
Cardano (Italia)
Txibirita xume hazi da baso baten zoruan, belarrez eta hostoez inguratua. Egoera erabat apurkorra eta bakartian dagoela ematen du eta horrek ematen duen berebiziko edertasuna.
Sinboloak (Symbols)
Santa Maria Maggiore (Italia)
Olibondo adarrak bakea sinbolizatzen du. Kandelak, berriz, iragankortasuna gogorarazten digu. Gure bizitza eta gure jarduera osoak direla esateko, egon behar duten elementu ezinbestekoak.
Ura erori eta erori (Water falling)
Malesco (Italia)
Erori eta erori egiten da ur lamina garden eta fina, baina laster bihurtzen da zipriztin eta tanta, harrien artean dantzan hasteko.
Zipriztin saltsa (Splash)
Malesco (Italia)
Zipriztin saltsa ederra sortzen du urak, erorketa laburra bada ere.
Kristalezko ur isuria (Glassy water flow)
Malesco (Italia)
Ur isuria kristalezkoa ematen du, forma biribilekin, gardena eta distiratsua.
Betiereko kale estua (Timeless narrow street)
Malesco (Italia)
Kale hau betiere bertan egona dela ematen du. Horma mardulek harri landuez apaindutako kale estua inguratzen dute. Kolore argiz margotuak daude, argia absorbatu ez, argia eman, igorri, dezaten.
Eliza zaharkitu liluraduna (Old church with charm)
Malesco (Italia)
Eliza zaharkitua aurkitu dugu bidean baina bere lilura gordetzen du. Tenplu batek duen aura ez du galdu, gurtzeko leku funtzionala eta ongi hartzen duena.
Lausotu da eguna (The day is going)
St. Gallen (Suitza)
Lausotu da eguna eta gaua etorri bitartean giroa magiko kutsua hartu du. Iratxoak eta lamien zain gelditzeko lekua aproposa da hau.
Kale argi laranja (Orange street light)
St. Gallen (Suitza)
Goian zeru urdina geroz eta ilunagoa eta behean kale argi laranjak. Gaua gauago ematen du. Koloreak lausotzen dira eta jendea bere baitara biltzen da kaletik ibiltzen doalarik.
Zeru goi urdinak (Blue sky)
Cardano (Italia)
Gaueko atarian argi eta itzalak nahasten dira lur gainean. Zeru goiak, baina, urdin kolore argitsuzkoak dira, apaltzen doana gutxinaka-gutxinaka.
Ernamuin freskoak (Fresh shoots)
Cardano (Italia)
Zuhaitz honek dagoeneko ernamuina freskoak dauzka. Nolabait ez du erabat galdu hazteko indarra, neguan egon bagaude ere. Azken urteotako negu epelek ere lagunduko zuten honetan.
Arratsa heldu da (Dusk came)
Cardano (Italia)
Argi-ilunean dago eserlekua. Hosto eroriak ere arbola azpian ezkutaturik daude orain. Itzalak luzatzen ari direlan seinale, arratsa heldu denan seinale.
Paisaia eguzkitan (Sunny landscape)
St. Gallen (Suitza)
Eguzkiko argiak baserri etxea eta arbolada ilada nabarmentzen du, guztiak elurrez estaliak. Zeruak, hala ere, ez du erakusten espektakulu hau errepikatzeko gura.
Elur erori berriak margotutako paisaia (Snow landscape)
St. Gallen (Suitza)
Mendixkak ortzimugarekin nahasten dira. Elurrak basoko arbolen adar biluzi marroixkak zuritzen ditu. Zelai zabalek, baina, elur tapakia dute. Elur erori berriak margotutako paisaia.