Pfänder (Austria)
Animali parkean ere jan behar dute. Etxola honetan aurkitu dute inguruko ahuntzek behar bezain beste jaki. Zeruak ekarritako txarretatik ere emango die babesa.
Animali parkeko jantokia (Dining place of an animal park)
Etiketa: etxola
Mendian beherako bidea (The way down the mountain)
Oropa (Italia)
Mendi magala leunki jeisten doa behe lautada aurkituko duen arte. Han eta hemen etxolak eta baselizak edo kaperak jarriak daude. Kaperek erromesen bidea markatzen dute. Etapetan banatzen dute bidea eta gorputzari zein arimari atseden ematen diete.
Etxola eta baselizen paisaia (Landscape with huts and chapels)
Oropa (Italia)
Etxolak eta baselizak, denak batera mendi magalean lautada zabal bati begira. Hori da leku hau bereizten duena. Mendialdea da eta abeltzainak hemen aritzen dira lanean franko. Horrez gain, santutegi handia eraiki dute eta gurtzeko lekuak edonon ikus daitezke. Beheragoko munduaren zarataren aldean, goian lasaitasuna nagusi da. Ez dago presarik.
Gogoko lekuan paseoan (Walking in a nice place)
Oropa (Italia)
Gogoko lekuan aldapa gogorrik ez dago. Paseoan gustora nabil. Aire freskoak birikiak betetzen ditu eta burua azkartzen du. Paisaia politak gogoa asebetetzen du.
Mendiko etxola hutsa (Empty mountain hut)
Oropa (Italia)
Etxola hau azken negua baino luzeago eman du hutsik. Horma sendoek eusten diote denboraren igarotzeari, baina teilatu apurtu horrek erabilera falta erakusten du. Garai bateko bizimodu baten erakusle gelditu da. Bizitzeko era horren aldaketaren erakusle ere, beharbada.
Etxola erromantikoa (Romantic hut)
St. Gallen (Suitza)
Ur biltegiko etxola itxura erromantikoa dauka oso. Urez inguratua eta baso baten ondoan egonda, garai bateko aintziradun parke baten itxura du lekuak. Udako arratsalde eguzkitsu batetan, bertan eseri eta arratsa ikusteko leku ederra da.
Leku apartatua (Remote corner)
Lehmen (Suitza)
Leku apartatu batetako paisaia galdua aurkitu izanak pozten nau. Mendia, basoa, zura eta egurra nahasten dira elurra eta hotzarekin. Denbora astiro igarotzen da hemen inguruak miatzen nabilen bitartean.
Zurezko txabola (Wooden hut)
Lehmen (Suitza)
Zurezko txabola ongi lekutua dago. Mendi xerra ikusgarri baten magalean eta neguko eguzkiak laztantzen ez duen lekuan jarrita dago. Mendialdean behar dira honelakoak. Hotza nagusi denean behar da non gorde. Gaueko iluntasunean animaliek lo egiteko txokoa behar dute.
Bide ertzeko etxola (Hut near the road)
Etxolak zer gordeko du? Mendiko bailara honetan zertarako behar da etxola txiki bat? Artzainen borda izateko txikiegia eta bailararen gunetik urrun. Bidearen ondoan egonda, izango al da garajea? Batek daki. Nola jakin?
Ateko atso zaharra (Old woman in the door)
Teufen (Suitza)
Atso zaharrak zaintzen du sarrera. Sorgina edo amona goxoa den ez du inporta. Katua alboan dauka eta txoriek buruko zapian paratu zaizkio. Koloretsuak dauzka jantziak eta ateko giltzan gerrian.
Zurezko etxolaren barrua (The inside of a wood hut)
Teufen (Suitza)
Mendixka batean bazegoen zurezko etxola txiki bat. Atea zabalik zeukan. Barruan zurezko mahai bat ikusten zen. Eta zoru gainean, zurezko zorua ere, jostailu ahaztu bat hankazgora utzi zuen umeren batek. Albo batean dagoen leihotik argi urdinxka sartzen zen baina apenas lortzen zuen barrukoa ilunpetik ateratzen.
Etxola hutsaren leihoa (Window of an abandoned hut)
St. Gallen (Suitza)
Gau hasiera honetan argia dagoeneko urdin bihurtu da. Bakardadea nabarmentzen da inguruko soiltasunean. Landareen artean desagertzen hasia da etxola hutsean.
Ilunabarraren momentua (Twilight moment)
St. Gallen (Suitza)
Ilunabarraren momentu magikoan isiltasuna, bakartasuna eta itzal luzeak nahasten dira.
Zurezko etxola (Wooden hut)
St. Gallen (Suitza)
Zurezko etxolatxoa parke honetako bisitariak berotik eta euritik babesteko egokia da.
Hondartzako etxola (Hut in a beach)
Helsinki (Finlandia)
Etxola hemen ez balego paisaia basatia eta baserritarra emango luke. Baina Helsinki ondoan gaude eta hiriko hondartza nagusia da hau. Udako egun beroetan jendea hona etortzen da usu eguzkiaren epelean egotera. Gutxi batzuk Baltiko itsasoko ur hotzetan bainua hartzen dute ere.
Baso barneko etxola (The hut in the forest)
Sarganserland (Suitza)
Atzoko irudiaren zuri-beltzeko bertsioan kontraste zoragarria da protagonista. Urtarrileko argi goibelak lagundu zuen argi tonuen banaketa egokia lortzen. Zuriak zuri eta beltzak sakonak.
Etxola bakarti bat (A lonely hut)
Sarganserland (Suitza)
Goizeko leiak oraindik irauten zuen. Mendian beherako bidean, funikularretik etxola hau agertu zitzaigun bidean. Bakarrik zegoen pinudi baten zabalgunean.
Hondartza etxolen ilada (Row of beach huts)
Etxolaren bakardadea (Loneliness of a hut)
Etxola soila (A plain hut)
