St. Gallen (Suitza)
Negu erdian elurrak dena estaltzen du eta bidea arriskutsu dago. Pauso txikiekin eta tentuz ibili behar da. Hala ere, ez da arrazoia etxean gelditzeko.
Bide elurtua (Snowy track)
Etiketa: negu
Etxe aurreko eserlekua (A seat in front of home)
St. Gallen (Suitza)
Etxe aurreko eserlekua hoberena da. Enbor koxkorraren kontra bizkarra jarri eta inguruak miatzeko leku ederra.
Ilunabar garaia (Dusk time)
St. Gallen (Suitza)
Ilunabarra gainean dugu. Itzalak luze dira. Oinatzak elurrean, lehenengo planoan, mendirako bisitarien bidea markatzen dute, herrirako bidea. Elurra bait da mendira jotzeko arrazoi nagusi bat.
Zuhaitza elurrean (Tree in snow)
St. Gallen (Suitza)
Zuhaitz honek zenbait negu ikusitakoa da. Jakingo du zer den garaiko hotza eta biluztasuna urtero sentituko zuen. Sendo eusten jarraitzen du baina, udaberriko eguzki goxoaren zain eta udarako fruitu ondu xamurrak ematen.
Arrats koloreak ortzian (Sunset colours in the sky)
St. Gallen (Suitza)
Arrats koloreek betetzen dute ortzia. Hodei maskal batzuk eta hegazkin batzuk baino ez dira ageri. Behetik mendien profilek sortutako zerumuga eta lurrazala ilunpetan murgildua baino ez dira ageri.
Zerua sutan (Burning sky)
St. Gallen (Suitza)
Zerua sutan jarri da gaurko arratsean. Eguzki ezkutatu berriak gaur ez du hodeiek jarritako oztoporik eta kolore festa utzi du bere bidean.
Zalditxo mekaniko gaixoa (Mechanical horse)
St. Gallen (Suitza)
Zalditxo gaixo honek garai hobeak ezagutuko zituen. Elurrez inguratuta eta hanka apurtuaz, erretiroa hartuta edo hartuarazia dela ematen du. Baina, beharbada, egun goxoagoen zain baino ez da egongo, berriro haurren barreen eta jolasen protagonista izaten jarraitzeko.
Elur zuri leunazko estaldura (White soft snow covering)
St. Gallen (Suitza)
Inguruko muinoak garaiotan elurrezko alfonbra zuri leunaz estaltzen dira. Plastikoa hartu eta aldapan behera botatzea da momentuko denborapasa. Ez dago denbora galdu behar, udaberria heltzear bait dago.
Elurra pilatu da (Snow piled up)
St. Gallen (Suitza)
Elurra pilatu da azkenengo neguan eta mendien eta basoen itxura zeharo aldatu dira. Natura lotara joaten da urtaro honetan, baina honelakoetan ere ederrak dira gure inguruak.
Jolasleku elurtua (Snowed playground)
St. Gallen (Suitza)
Jolasleku honetan ume gutxi ibiliko dira garai honetan. Elurrak ez du gozatzen utziko eta, gainera, nork nahiko du hemen ibili inguruko mendiak elurtuak ikusita?
Argi-ilunean murgilduta (In light and shadows)
St. Gallen (Suitza)
Argi-ilunean murgilduta sentitzen da bat negu erdiko arratsaldeetan. Barrualdeko lanparek elektrizitatea argi motel eta goxoan bihurtzen dute. Kanpoan, bitartean, bazterrak lehenengo eta zerua gero argi lausotan galtzen hasten dira.
Negu parterako apaingarria (Winter decoration)
St. Gallen (Suitza)
Apaingarri bat negu parterako, udazkenean jasotako adarrekin eta pinaburuekin egina. Tonu epelak detaile argiekin nahastua. Kanpoan, berriz, garaiko elur zuria atzematen da.
Arratsalde parteko argia (Evening light)
St Gallen (Suitza)
Arratsalde partea helduta, negu garaiko eguzkia ezkutatzear dagoela ematen du. Leiho ondoko landare honek argi gutxi jasoko du egunak luzatzen diren arte.
Idazmahaia leihoaren aurrean (Desk near the window)
Laudio (Euskal Herria)
Leihotik negu eguerdiko argi motela sartzen da. Idazmahaia erdi argiztatua, erdi ilunetan uzten duena.
Erreka lasterra (Fast stream)
Laudio (Euskal Herria)
Erreka urez bete da egunotako euri jasak eta gero. Bazterretako belarrak ferekatuz jeisten da ura, bere bidean landare bat edo beste eramanez.
Belar maskaleko baratza (Fruit garden full of grass)
Laudio (Euskal Herria)
Kanpoko baratzan lurrak atseden hartzen ari da. Egun labur eta tenperatura hotzek ez bait die barazkiei uzten, haren jana eta uraz baliatu eta gogoz hazten. Belar maskal batzuek hartzen dute beraien lekua momentuz.
Egun lanbrotsua (Overcast)
Laudio (Euskal Herria)
Egun lanbrotsuetan argia lausotzen da. Zerua buru gainean izatearen inpresioa izaten da ere. Euria agintzen dute honelako egunek, bazterrak geruza fin distiratsuarekin estaliko dituena.
Olatu bizia (Live wave)
Laudio (Euskal Herria)
Olatuak altuera handia harrapatu du aldi honetan. Aparrak gainazal zuloduna ematen dio. Hurbiletik behatzean, ur forma erraldoia testura berezia dauka. Azkar aldatzen dena, ura eta aparra nahasten duena eta bizi dirauena.
Egun hodeitsua (Cloudy day)
Laudio (Euskal Herria)
Hodeitsu eta ilun dago eguna, izan ere euria barra-barra ari du. Garai egokia da horretarako, udarako nahikoa hezetasun pilatzeko urtaroa.
Apardun presa (Foamy dam)
Laudio (Euskal Herria)
Badago zer ikusia gaur eta hemen, izan ere ez da ohikoa ibaia horrela izatea. Apar batean dator ura presa honetan.