Eguneko argazki bat
Konstanz (Alemania)
Kolore biziak eta fantasia handiko formak ugari daude itsas azpian. Bizitzaren jatorria bertan dago eta aniztasuna handiagoa izango da. Ura eta bizitza, bizitza eta ura. Biak elkarrekin doaz eskutik.
Konstanz (Alemania)
Arrain txiki bat agertu da eta atentzio osoa bereganatu du. Mutur luzea dauka eta kolore gorrixka eta bizia. Hegatsen erritmo biziak erraz igeri egiten laguntzen diote.
Konstanz (Alemania)
Izkira gorri-gorri honek ia-ia begietan mina ematen du. Hain da kolore distiratsua. Ez du ezkutatzeko behar handirik ikusiko animaliak.
Konstanz (Alemania)
Karramarro gorri txikia harri artetik agertzen da, azkar ingurura begiratu bat ematera. Bueltan bere ezkutalekura sartu da, ez bait du inguruan arduratuko duenik somatu. Beranduago kenduko ditu nagiak eta aterako da janari bila hasteko.
St. Gallen (Suitza)
Landare honek ontzia behar du bere eguneroko janaria osatzeko. Intsektuekin kentzen bait du gosea hein handi batean. Beste puska lurra eta eguzkiak emandakotik jasotzen du bere familiakideen antzera.
St. Gallen (Suitza)
Ohial gorria, ohial zuria. Biak nahastuz osatzen da mosaikoa.
Goiuri (Euskal Herria)
Lore gorriek kolore biziz apaintzen dute belardi berdea.
Ivrea (Italia)
Adreilu gorriz eraikitatako dorre altu eta sendo honek historia ugari ikusi ditu beheko hirian. Beti zaindari, beti adi.
Degersheim (Suitza)
Kutxak uzten joan dira, barruan zeuden oihal puxkak orain kaleetako zoruan daude zabal-zabal.
Degersheim (Suitza)
Oihalak lurrera. Herria apaindu behar dugu eta piknik erraldoia egin. Antolatzaileek herritarren eta bisitarien laguntza eskatu dute. Herriko kaleak apaindu nahi dituzte eta esperientzia kolektibo bat sortu.
Gossau (Suitza)
Aurpegi tristea al dauka zaldi honek? Ez da izango itxura sendoa eta larruazal ederra ez duelako. Ez da izango handia eta indartsua ez delako. Izango al da hesiaren alde batean bizitzera behartuta dagoelako? Horri emango al dizkio buelta bat eta gehiago bere buru luze horretan?
Gossau (Suitza)
Arraintxoa koloretsua da. Lasai asko dabil uretan. Bere akuarioan kezka handirik edukitzerik ez du. Jan eta egotearekin nahikoa du.
St. Gallen (Suitza)
Hara! Ze fruitu gorri ederrak. Hau bezalako egun hotzetan eta elurtuetan emango die zenbait animaliri zer jan. Neguko gosea arintzeko bide bat izango da. Baina, hain kolore biziak eta multzo handitan dauden basa fruituak nola iraun dute negu hasiera arte? Garratzegiak izango dira? Pozointsuak ere? Beharbada, behar handiagoetako garaietarako gordeko dituzte txorinoek eta beste piztiek?
Müstair (Suitza)
Leihoa lorez ondo apaindua dago. Uda erdian itxura ederra hartu du. Krabelin gorriek alaitasuna eta argia ekartzen dute etxera. Hormaren kolorea eta bere apaindurekin ondo jotzen du. Ederki jarritako apaindura da hau.
Müstair (Suitza)
Fruitu txiki hauek txorinoentzat jateko garrantzitsuak dira. Tripa erraz betetzen dute berau ugari den garaietan. Negurako prestaketa hasteko ez da bide txarra.
Mörschwil (Suitza)
Lorratzaren bidean landareak zanpaturik gelditu dira. Lore bat txiripaz geratu da salbu. Zerealak, baina, bere lekua errekuperatzera egiten dute. Beteko dute berriro gelditutako hutsunea.
Lausoan ikusten dira arrainak. Beraien dinamismoaren seinale. Izutiak ematen dute. Gregario hutsen jarrera izan dezakete. Beren hara eta honakoak, baina, zio bat dute. Beraien existentzia betetzen dute. Begi handi beltzen atzean garun bat borborrean dago.
Gais (Suitza)
Profilezko irudian oilarra pentsakor dagoela ematen du. Garuna txikia omen dauka, baina horren barrunbeetan gogoetek eta oroimenek bere lekua izan beharko dute.
Gais (Suitza)
Oilar bat hurbiletik ikusteak merezi du. Gandorra, kokotsa eta belarritxoak buruari eite berezia ematen dio, berebiziko dotorezia.
Gais (Suitza)
Itxura zoragarria du oilarrak. Gandor eta kokotsa handi eta gorriak ditu, belarritxoak ere, eta lumak marroi-gorrixka distiratsuak. Pena da kaiolan sartuta ikusi beharra. Animali honek behar du hankak luzatzea, mugitzea.