Malesco (Italia)
Leiho eta ateak metalezko itxidurekin ezkutatuak, horma zahartua, zurezko ate ederra eta leihoxkak han eta hemen, kaleko horma zulatzen dutela. Hara etxe honen nortasuna.
Etxe baten nortasuna (Personality of a house)
Etiketa: house
Kale kantoi lasaia (Quiet street)
Malesco (Italia)
Kale kantoi lasaian amaitu dugu paseoa. Harrizko kale zoruak auto gutxi ikusi ditu, belarra hazita bait dago dagoeneko. Arratsaldeko ordu txikietan inor ez dabil hemendik. Jada etxean egon beharko du jende gehiena.
Horma luzea (High wall)
Malesco (Italia)
Horma luzea denborak utzitako markekin edertua. Horma mardulak, leiho txikiak, tximinia egituraren zati eta teilatu aldapatsua dira etxe honetako ezaugarriak. Garai bateko eraikitzeko eraren ezaugarriak. Horrez gain, mendi aldean arrunt zen bezala, arbela da erabilgai teilatuan.
Errepide aurreko etxea (House near the road)
Malesco (Italia)
Errepidea pasatzen da etxe aurretik. Urtetako joan-etorriak gogoratuko dituzte hemen. Leihora hurreratu baino ez zuten behar eguneko aktibitateari pultsoa hartzeko.
Etxe tipiko multzoa (Group of typical houses)
Malesco (Italia)
Mendi aldeko etxe tipikoak ikusten dira nonahi herri honetan. Inguruko gailurrek ekartzen duten elurrez egoki babezteko lekuak neguan eta udako beroaz ahazteko udan.
Baserri etxe zaharkitua (Old country house)
Appenzell (Suitza)
Baserri etxea zahartua egonda ere, eskualde honetako, Appenzelleko, estiloa gordetzen du. Baserriaren egoeraren metafora bat izango al da, tren baten leihotik kale-kume batek ateratako argazki hau? Espero dut ezetz. Baserriak bizirautea merezi du.
Elurrez inguratutako etxea (House surrounded by snow)
St. Gallen (Suitza)
Elurrez inguratua geratu da baserri etxea. Udaberrira arte zuritasuna izango al da nagusi hemen? Zuhaitz bakan batzuk eta urruneko baso batek baino ez diote elurrari eusten.
Etxe aurreko eserlekua (A seat in front of home)
St. Gallen (Suitza)
Etxe aurreko eserlekua hoberena da. Enbor koxkorraren kontra bizkarra jarri eta inguruak miatzeko leku ederra.
Ikusmina euripean (Curiosity under the rain)
Laudio (Euskal Herria)
Ikusmina pizten dute naturaren elementuek. Euria barra-barra aritu ondoren kuriositatearekin beldurra nahasten da, ura basati bait dator.
Argiak eta itzalak (Lights and shadows)
Flims (Suitza)
Egunaren eguzkiak argiak eta itzalak uzten ditu etxeetako paretetan. Atzean berriz, argi ederrean bainatuta Alpeetako erraldoiak eta pinudi basoak ageri dira.
Kale estua (Narrow street)
Flims (Suitza)
Kale estuak eta itzal luzeak udazkeneko egun eguzkitsu batean Alpeetako herrixka honetan. Auto bi txarto ibiliko dira hemen gurutzatzen badira. Horri esker, beharbada, zainduko da lekuko lasaitasuna hobe.
Etxe zaharreko leihoa (Window of an old house)
Flims (Suitza)
Etxe zaharreko leihoa. Argia pasatzen uzteko eta kanpoarekin komunikatzeko.
Hodei zuriak zeru urdinean (White clouds in the blue sky)
St. Gallen (Suitza)
Udazken hasierako zeru urdina hodei zurientzako fondo ederra da. Eguzkiaren laguntzaz, beren argiguneek eta itzalek margo dotorea osatzen dute.
Irlatxoko jatetxea (The restaurant in the island)
Helsinki (Finlandia)
Etxe handiak ere aurki daitezke. Gaur egun jatetxeak daude irudiko eskumakoan. Arratsalde-gau berezi bat igarotzeko lekua. Hiria ikusgai eta itsasoaren ondoan.
Egurrezko etxe urdina (Wooden blue house)
Helsinki (Finlandia)
Etxe hauetan historia luzea gordetzen da. Hiru nazioetako jendea bizi izan da hemen. Suediarrak hasiera batean, mendebaldetik etorriak, errusiarrak gero, ekialdetarrak. Azkenean bertakoak, auzokideen dominazioa gainetik astindu ostean.
Etxebizitzak etorbidean (Houses in the avenue)
Helsinki (Finlandia)
Irla gehienbat bastioi moduan erabili izan da azken bi mendeetan. Etxe hauek soldadu familientzat eraikiak omen ziren. Gaur, berriz, etxebizitza pribatuak dira eta kafetegi atseginak aurki daitezke ere baten batean.
Itsaso ondoko etxea (House near the sea)
Helsinki (Finlandia)
Elurra, eguzkia, zeru oskarbia. Egun zoragarria Helsinkin. Itsaso ondoko etxea leku ezin hobea da udaberri hasieraz gozatzeko. Itsas baltiko bare ageri da. Gehienetan bezala.
Appenzelleko mendi bailara (Mountain valley in Appenzell)
Appenzell (Suitza)
Lasaitasunerako momentua da bidaia. Pentsamenduak erraz dariote eta gogoa lasai dirau. Bitartean treneko leihotik, goxo-goxo eserita, kanpoko paisai elurtua ikusten da.
Aldapa gogorra (Hard slope)
Appenzell (Suitza)
Trenbide ondoan dago etxe hau. Aldapa txarra horra igotzeko. Neguaren gogorrenean ez da bide xamurra izango.
Etxea eta zuhaitza elurrean (House and tree in the snow)
Appenzell (Suitza)
Elurra nonahi, eta bapatean etxe bat. Arbola handia, zaharra ondoan duela. Paisai landu bat. Gizakiak naturari itxura eman duen lekua hemen.