Eguneko argazki bat
Dubai (UAE)
Dagoeneko gautu du. Zentro komertziala, baina, jendez lepo jarraitzen du. Azken begirada luzea bota dut, kalera irten baino lehen. Jendea barruan jarraitzen du erosketak egiten eta xolasten.
Dubai (UAE)
Estasian bezala dago jendetza ikuskizuna segitzen. Telefonoak borbor argazkiak ateratzen, begiradak fixatuak eta denen aurrean ur zutabe erraldoia dantzan.
Dubai (UAE)
Jendetza bildu da ikuskizuna ikusteko. Argia eta ura konbinatzen dituen ikuskizuna zinez ikusgarria da. Herri honek honela erakartu ditu urrutiko bisitariak.
Dubai (UAE)
Akuarium erraldoi honek telebista erraldoia edo zinema pantailaren lana egiten du. Kristalaren atzean, baina, ura dago eta animaliak ia ukitu daitezke.
Dubai (UAE)
Famili irudi kuriosoa ikustea tokatu zaigu. Emakume ama bere gorputz osoko jantzian bakarrik paseoan eta ume hazia aulkitxoan eserita. Amaren beltzaren ondoan, mutikoa eta bere orgatxoa koloretsuak ematen dute.
Dubai (UAE)
Askotariko jende multzoa biltzen da honelako eremuetan. Beharrak ekarritako erosleak, erosle porrokatuak, pasealariak edo turistak. Denak elkartzen eta nahasten dira salmenta gune erraldoi honetan, aisiarako gunea ere bait da.
Dubai (UAE)
Goitik behera gorputza ezkutatu arren, ez diote lirain egoteari uzten. Apaingarri koloretsuak eta osagarri garestiak erakusgai. Gorputz osoko soinekoaren azpitik, berriz, diseinuzko zapatak ikus daitezke. Beraien presentzia eta itxura gutxiesten du kulturak baina beraien pertxenta izateko gogoa ezin zaie kendu.
Dubai (UAE)
Lekuan lekukoa egin behar da. Horrela dute ohitura eta gogoa.
Dubai (UAE)
Zentro komertzial bat hiri pasealekua bihurtuta ikustea ez da harrigarria. Lekuaren tamaina eta batzen den jende multzoa ikustea, baina, bada harrigarria. Jendetza anitza ikusten da gustora, dendek ia bigarren planoan gelditzen dira.
Santoña (Espainia)
Haizeak itsasaldetik jotzen ari da pasealekuan zehar. Eguna hodeitsu dago eta euria ez da urrun. Ez dago giro kaletik ibiltzeko. Negua ate joka dagoela nabari da eta kantabriar itsasoak gogorarazten die momentuan kalean dabiltzanei.
Berlin (Alemania)
Jendea erakarri egiten du monumentuak. Zihurrenik itxura ederra da arrazoietako bat, baita histori garaikidean izan duen garrantziak eragingo zuen. Gogoa piztu eta jakinmina eragingo du bisitariengan.
Berlin (Alemania)
Euritakoa hartuta paseoan ibiltzeko beta har daiteke. Lekua eta patsada soberan dago. Urrunean autoak igarotzen begiratu bitartean ibilian lasai ibiltzea posiblea da.
Berlin (Alemania)
Trafikoak hartzen ditu kaleok, baina egunerokoan ibiltzeko leku nahikoa gordetzen du hiri honek. Zuhaitzak barra-barra eta espaloi zabalek itotasun sentsazioak ekiditzen dituzte.
Berlin (Alemania)
Jendea erakartzen duen lekua dugu hau. Irudiak atera ari dira bisitariak, euripean ere. Inork ez du aukera galdu nahi, eguraldia petralpean bada ere.
Berlin (Alemania)
Kaleko paisaiaren detaile bat erakustea, hiri osoaren aurpegi bat erakustea da. Biztanleak bere eguneroko ekintzetan edo bidean erakusten ditu. Beraien espresio iturri izan daiteke kalea ere.
Berlin (Alemania)
Luze darama botatzen. Euriak erabat busti egin ditu hiriko kaleak dagoeneko. Ez dago modurik honi ihes egiteko. Horren ordez, zergatik ez txubaskeroa jantzi eta irten.
Berlin (Alemania)
Hiritarrak bere bizitza erritmoarekin jarraitu behar dute euria gogor aritzen badu ere. Jaka epela eta euritarako jantzi sendoak soinean jarrita, kalera bizikleta eta guztiz irtetzen dira. Sorbaldak uzkurtu, burua bien artean sartu eta aurrera jarraitzen dute. Lasaiago hartzen dutenak ere badira, espaloitik txirrinda bultzaka ibiltzea ere aukera bait da.
St. Gallen (Suitza)
Egun egokia zen paseatzera irtetzeko. Udako eguzkiak gogor jotzen zuen, tenperatura epela, festa eguna. Denak laguntzen zuen eta gogoz aprobetxatu egin genuen.
Appenzell (Suitza)
Belarra ebaki eta lehortzen utzi animalientzako bazka prestatzeko. Janari freskoa faltan dagoenean sabela betetzen eman ahal izateko behar-beharrezkoa da.
Appenzell (Suitza)
Bezeroek terrazan aterpea bilatzen dute eguneko sargoriatik. Kartetan jokatzea dela edo egunkaria irakurtzea dela, denak balio du denbora pasatzeko errefreskagarri bat edaten den bitartean.