Logroño (Espainia)
Kale hutsa arratsalde erdian. Non egongo da jendea? Lanean neurri handi batean. Dendadun kaleetan eguneko edo asteko erosketak egiten. Horrela izango da ziurrenik.
Kale hutsa (Empty street)
Etiketa: Espainia
Kalearen goiko partea (Upper part of a street)
Logroño (Espainia)
Kalearen goiko parteak bere bizi propioa dauka. Pribatutagoa da. Etxebizitza bakoitzak bere nortasuna erakusten du. Beharren arabera osatzen da. Loredun balkoiak edo burdinezko barandaz mugatutako eremu hutsa izan daiteke. Berdin leihoak. Eta eraikuntz denak teilatu batekin bukatutak daude, euriarengandik eta eguzkiaren garraztasunetik babesteko.
Denda batean margotutako graffitia (Graffiti in a shop)
Logroño (Espainia)
Beste graffiti bat hiri honen kaleak apaintzeko. Lekuko artistek aukerak izan dituzte bere lanak erakusteko. Baten batek ondo pasatzeko aukera modura hartuko zuen ere, zihurrenik.
Burdindegia itxita dago ere (Hardware store closed also)
Logroño (Espainia)
Beste denda honek ere ez du denboraren examina gainditu. Familia negozioa izango zen beharbada. Gurasoak zahartzen joango ziren. Seme-alabek lanbide berri eta profitagarriagoak aurkituko zituzten. Bezero berriak ez ziren gehiago agertuko. Azkenean, lan gogorrak ez luke nahikoa mozkin ekarriko.
Elizaren ataria (Entrance to the church)
Logroño (Espainia)
Hiri bateko eliza ez da inoiz txikia. Hiriarekin batera hazten da lekuko erlijioaren sinboloa. Tamainan eta handitasunean egiten du gora.
Alde zaharreko kalea (Street in the old city)
Logroño (Espainia)
Aintzinako harrizko eraikuntzak, pare bat mende zahar diren beste batzuk eta harri puskekin apaindutako kale zorua. Horrelakoa da alde zaharra hiri honetan. Mendeetako historia elkartzen dira kaleotan.
Plazako eliza (The church in the square)
Logroño (Espainia)
Elizak izaten ziren sarri herrien edo hirien erdigunea. Gaur egun, hor diraute eta garrantzia galtzen joan badira ere, lekua ez dute galdu. Lekuaren bizitza beraien inguruan gertatzen da. Lehen lerroko ikusle bihurtu dira.
Plaza nagusia (Main square)
Logroño (Espainia)
Eguerdiko osteratxoa bukatu da eta inor ez da gelditzen kalean bazkal osteko kafea hartzeko. Udako arratsalde luzean oraindik aukera egongo da esertzeko eta edari freskoa edateko konpainia onean.
Denda zaharra (Old shop)
Logroño (Espainia)
Izkinan badago denda zahar bat aspaldi itxita dagoena. Garai batean hiriko liburudenda handiena zen eta jendea urrundik etortzen zen honera liburu berriak ezagutzera eta erostera. Istorio gehienak bezala hau ere bukatu zen. Jabe zaharra atseden hartzea erabaki zuen, hil baino aste bat lehenago. Orain beste liburuzale amorratu baten zain dago. Liburuz eta ametsez beterik.
Pareta itzaliak eta leiho itsuak (Fading away walls and blind windows)
Logroño (Espainia)
Denda honek garai hobeak ezagutu ditu. Bizi, jendez lepo, egon ei da baina orain itxura erabat desberdina dauka. Graffitientzako mihixea bihurtu da bere itxitako atea. Leihoak itsu daude. Apaindutako paretak zikin eta kolorge gelditu dira.
Mahaia prest dago (Table is ready)
Logroño (Espainia)
Mahaia prest dago bazkaltzeko. Goserik al dago? Edo ibiliko gara pixkat gehiago oraindik. Beharbada izkinaren bueltan dagoen plazara joan gaitezke. Denbora izango dugu bueltan etortzeko eta mokautxo bat hartzeko.
Udazkena ate zahar aurrean (Autumn at the old door)
Liérganes (Espainia)
Pixkanaka neguko hotza eta iluntasuna gailentzen ari dira. Landareetako hosto lehorrak euriak utzitako putzuetako urarekin nahasten dira.
Ate zaharra eta udazkena (Old door and autumn)
Liérganes (Espainia)
Udazkenaren koloreak zurezko atearen urdin zaharrarekin ondo josten dira. Urte sasoiaren gainbehera gehitzen zaio tokiaren dekadentziari.
Erloju zaharra (Old watch)
Liérganes (Espainia)
Erloju honek ordua ematen dirau aspalditik. Neurtzen duen denboraren kalteak ongi jasan ditu eta ongi jasaten segitzen du.
Belztutako maila (Blackened step)
Liérganes (Espainia)
Belztutako gainazalak eskailera maila denbora luzean erabilia izanaren seinalea da. Harri lausa lan fina da. Etxe barrura sartu baino lehenagoko azkenengo pausoa bertan egin behar da. Luzaroan egongo da aterako sarrera errazten. Horrela lortu du adintze prestua izatea.
Kale nagusi hutsa (Empty main street)
Liérganes (Espainia)
Eguna ez dago paseoan egoteko. Horregatik izango da kalea hutsik dagoela eguerdi partean bada ere. Soiltasun horrek lekuaren dotoretasuna azpimarratzen du. Etxeetako harri lauzak distira dariote eurite ondoko argi aberats eta ederraren pean.
Ate mardula eta leiho xehea (Strong door and simple window)
Liérganes (Espainia)
Ate mardula eta leiho xehea zizelkatu dituzte harrizko etxe aurrekalde honetan. Harri puxka handiekin osatutako hormak zoragarri markatzen ditu atea eta leihoaren posizioak.
Egitura xumea (Humble structure)
Liérganes (Espainia)
Azpiegitura xumea baina estilosoa dauka herri txiki honek. Gaur egun, zaila da ulertzea izango zuen zioa. Itxura apala dauka baina diseinuak handitasuna dauka. Simetriak eta diseinu garbiak ditu ezaugarri aipagarrienak.
Harrizko etxearen aurrea (Front of a stone house)
Liérganes (Espainia)
Harrizko etxe tradizional honek aurpegi hoberena ematen du. Horma gainazala garbia eta harri tarteak ondo zainduak dauzka. Fronteko paretan zurezko ate zurruna, leiho zulo txikiak eta balkoi sinplea baina elegantea ageri ditu. Gainera, ate ondoan landare bilduma dotorea jarria dago. Detaile guztiak bere itxura edertzeko jarriak daude.
Jauregia ez den harrizko etxea (Stone house that is not a palace)
Liérganes (Espainia)
Harrizko etxe guztiak ez dira jauregiak. Jauregiak ez diren etxeak zoragarriak izan daitezke ere. Jatorri apalagoko etxe honek, hormak harri txikiagoekin eginak ditu, baina tinko pilatzen dira sendotasuna eta edertasuna emateko.