Eguneko argazki bat
St. Gallen (Suitza)
Negu egun berantiarrek udaberri usaina hartzen hasten dira. Lore jaioberriak, adar biluzietan kontrastea sortzen digute. Animaliek, baina, oraindik faltan bota dute egun luze eta epelagoen goxotasuna.
Appenzell (Suitza)
Bidegurutzeek ziurgabetasuna sortzen digute. Zein da bide hobeagoa? Non gozatuko dut gehiago nola gogoa hala zangoa jartzen?
Appenzell (Suitza)
Pinuen profila erraza da errekonozitzen. Mendi giroan ohikoak dira, giro hotzean ondo moldatzen bait da arbola mota zahar hau.
Appenzell (Suitza)
Ez da akitzen bat neguaren eta elurraren forma beti berriak behatzen. Bere sekretuak eta misterioa ulertu eta xurgatu nahiean edo.
Appenzell (Suitza)
Hotza eta elurtsua joan da negua, mendi paisai polita utziz. Gogoa piztu eta arima arintzen du.
Appenzell (Suitza)
Tren gainetik irudiek eta pentsamenduek sarri lauso itxura dute baina sakontasuna eta malenkonia ere dariote.
Appenzell (Suitza)
Elurra hemen eta han. Tartean arbolak eta sastrakak adar biluztuekin eta atzekaldean harroka erraldoia nonahitik ikusgai. Mendialde paisai bete-betea.
Appenzell (Suitza)
Mendialdeko auzogune honetan etxalde bakanduak zelaiez inguratuak ageri dira. Bestela, zelaiak basoak eta erreka gutxi batzuk baino ez daude inguruan.
Appenzell (Suitza)
Arbolak, elektrizitate zutoinak, kableak, etxaldeak, elurtutako zelaiak agertu eta alde egiten dute. Atzekaldean, baina, mendikate erraldoia beti ikusgai ageri da.
Appenzell (Suitza)
Etxalde bakanduak, errepide zaharrak, elur printzak eta zeru hodeitsua. Neguko paisai betea baserriko edertasuna eta misterioa jasotzen duena.
Appenzell (Suitza)
Trenean atzera etxeraldera goazela, eguna iluntzen ari da. Batetik neguko eguzki baxua eta motelagatik, bestetik zerua hodei beltzez bete delako.
Appenzell (Suitza)
Baserri etxea zahartua egonda ere, eskualde honetako, Appenzelleko, estiloa gordetzen du. Baserriaren egoeraren metafora bat izango al da, tren baten leihotik kale-kume batek ateratako argazki hau? Espero dut ezetz. Baserriak bizirautea merezi du.
Appenzell (Suitza)
Trenean bidaiean goazela paisai ederra ageri zaigu. Irudiko etxaldean, berriz, neguko bizitza ederra bezain gogorra izango da. Animaliak zaintzea edo baratza hurrengo sasoirako prestatzea lan zailak dira elurra nonahi dagoenean.
Appenzell (Suitza)
Negu hotza da aurten. Mendi gainetan eta haraneko zelaietan elurra barra-barra aritu du. Negu beteko giroan murgilduak gaude.
St. Gallen (Suitza)
Hosto idorrak zuhaitzean eskegitak gelditu dira. Neguko eguzki xumea ez da kapaza izango hauei bizia bueltan emateko.
St. Gallen (Suitza)
Hostoa, udazken berantiarrean eroria, elurrez inguratua gelditu da. Momentuz ezingo du zorua besarkatu eta berarekin bat egin, berriz, hotzak momifikatua geldituko da udaberriaren zain.
St. Gallen (Suitza)
Pergolan zehar paseoa ari da. Goxo-goxo eta presarik gabe doa, eguzkiaren beroa sentitzen duela, bere argitasunarekin fereka egiten ari zaiola.
St. Gallen (Suitza)
Elurrez inguratua geratu da baserri etxea. Udaberrira arte zuritasuna izango al da nagusi hemen? Zuhaitz bakan batzuk eta urruneko baso batek baino ez diote elurrari eusten.
St. Gallen (Suitza)
Kolore gorri biziko, urarekin nahsten den urdineko arratsa ikusgarria agertzen da laku gainean. Etxe bakandutik ikuspegi ezinhobea dago negu parteko paisai honetaz gozatzeko.
St. Gallen (Suitza)
Eraikuntza multzo ikusgarria hemen. Sarri moduan elizak eraiki izan ditu gure inguruko monumentu ikusgarrienetarikoak. Irudiko monastegia adibide ederra da.