Eguneko argazki bat
Helsinki (Finlandia)
Apartamentu bloke altuak, lantegien tximini luzeak eta obretako garabi erraldoiak nabarmentzen dira zerumugan. Hiria urrunean galtzen hasten denean, ikusgai dirautenak dira. Besteak zerua eta lurraren marra fin batean ezkutaturik gelditzen dira.
Helsinki (Finlandia)
Hiriaren profila urrunetik begiratzean, egitura altuak nabarmentzen dira. Ikusi, adibidez, noria zein argi bereizten den. Ez ohiko diren garabiek profil apurtua daukate. Erabat atzean, haizearen mende mugitzen diren kotoizko hodei zuri erraldoiak daude.
Helsinki (Finlandia)
Untziz urruntzen ari gara hiri zoragarri honetatik. Itsasotik ere dotorea da. Bidaia lasai doa, udako egun baketsua eta eguzkitsua bait da. Egokia inguruetako irlak ezagutzeko.
Konstanz (Alemania)
Hiri handi honen ikuspegi egokia edukitzeko zergatik ez altuera handira igotzea? Ondoan dagoen noria batek horretarako aukera ematen du.
Paradiso (Suitza)
Gosaria hartu bitartean olatuen soinua entzuten da. Arratsaldeko sargoria gainetik kentzeko uretara salto egin daiteke. Ur ertzean alboan edukitzeak kategoria extra bat ematen dio hotelari.
Appenzell (Suitza)
Teilatu zurituek etxeak ezkutatu egiten ditu, inguruko paisaiaren negu koloreak imitatuz.
Speicher (Suitza)
Zaingorriok uda luzea dute bere bizkar gainean eta neguko atsedena behar dute indarberritzeko.
Flims (Suitza)
Pareta zuri, handi eta garratzek mugatzen dute kubo eder bat. Leihoak, ia erabat geometrikoak, zulatzen dute kuboa eta loreek bizitasuna eta kolorea ematen diete.
Flims (Suitza)
Inurriak kontrabaxoa jotzen badu, jazza egiteko izango al da?
Flims (Suitza)
Euria barra-barra aritzen dela nabarmen da. Teilatuan behera jauzika erortzen da ur emari oparoa, ibai arroa bailitzan bezala.
Flims (Suitza)
Euri jasa handia ezezik erraldoia ere bada. Udako ekaitzek ekartzen dituzte horrelakoak. Izan ere eguratsa ur lurrinarekin kargatzen da eta lehenago baino geroago era bortitzean askatzera jotzen du.
St. Gallen (Suitza)
Kaleko argia alferrik piztuko da gaur bezalako eguerdi eguzkitsuan. Arratsalderarte itxaron beharko du bere egitekoa betetzen hasteko.
St. Gallen (Suitza)
Hiri honetako erdigune historikoa ez da soilik leku polit bat, leku bizia da ere. Jendea hurbiltzen da jatera, edatera, erostera edo, besterik gabe, paseatzera.
St. Gallen (Suitza)
Txorrotako jarioa erori eta erori ari da. Askako ura zipriztindu eta nahasten du. Uhin borobilak sortzen ditu eta hauek, bere martxara, iturri osora hedatzen dira.
Oro (Euskal Herria)
Banku honek zatar itxura dauka. Goroldioak jan behar du eta esertokiak forma galduta dauka. Itxura nahiko zatarra, alajaina.
Bregenz (Austria)
Egitura benetan handia eraikitzen ari dira laku ertzean. Uda garaian opera antzerkia egiten da leku pribilegiatu honetan. Aire librean egin ere, gauaren altzoan, egunak argiak itzaltzen dituenean.
Bregenz (Austria)
Pasabide laburra baina iluna da, nahikoa egun eguzkitsu batean itzalean babestu ahal izateko. Argilunek zoruaren eta hormen egitura nabarmentzen dute. Kolore arre dotoreek dominatzen dute.
Bregenz (Austria)
Berezia benetan eskailera hau. Zein izango da diseinu berezi hau aukeratzearen arrazoia. Misterio txiki bat da, denboraren bazterren batetan ezkutatutako istorio ahogozagarria.
Bregenz (Austria)
Herri zaharreko teilatuen artean eliza zaharra ikusten da. Garai bateko bizigunea ez zen honetatik oso desberdina izango. Ematen du bizitza modernoa soslaiz begiratu duela munduko txoko hau.
Bregenz (Austria)
Zoruan harria eta belarra egon dira urteetan zehar. Luze izan da kale honetatik igarotzen diren pertsonen eta ibilgailuen lorratzen lekuko. Zorua bizia dago, hura darabiltenak bezala.