Eguneko argazki bat
Helsinki (Finlandia)
Islada eta argi jolas artean murgilduta dago museoko animali erraldoi hau. Garaiotan belardi erdi izoztuetan zehar ibiliko zen aske. Animali ikaragarria izango zen ikusteko eta beldurgarria bere ondoan egoteko.
Seealpsee (Suitza)
Urrebotoi lore txikia da. Ezereza ematen du zelai zabalen erdian. Hala ere, gauza niminoak ere maitagarriak izan daitezke. Hutsunea utziko lukete egongo ez balira.
Seealpsee (Suitza)
Zuhaitz honena egin dute. Ez da udaberri gehiagotan haziko. Ez ditu hosto berde berriak sortuko. Ez du itzalik sortuko eta animaliek ez dute habia egiteko erabiliko. Beste motako animaliek, berriz, bere hondarretan bazkatuko dira.
Seealpsee (Suitza)
Orain dela gutxi ebakitako enborren azken arrastoak gelditzen dira. Basoari egindako zauriak ezin dira erabat ezkutatu. Hark badauka egindakoaren memoria, hala nola egindakoaren eragina nozitzen duten beste izaki bizidunek.
Seealpsee (Suitza)
Harkaitzen azal zimurrak eta forma biribilduek begietara jotzen dute. Aurpegi zahar bat edo denbora luzean zehar mimoz landutako eskultura ematen du.
Seealpsee (Suitza)
Leku arruntenek ere bere magia gordetzen dute. Belardi bat landare txiki multzo uniformea izan beharrean, belar nahasketak, loreek eta zoruaren irregulartasunak elkarrekin argi eta itzaletako mosaikoa sortzen dute.
Seealpsee (Suitza)
Natura oparoa protagonista da hemen. Egunerokoan ez da ohikoa leku basatiak ezagutzea. Horrelako bat da hau. Arbola handiak eta txikiak, gazteak eta zaharrak nahasten dira sastrakekin eta belarrekin.
Seealpsee (Suitza)
Loreak eta belarrak indartsu hazten ari dira udaberri hasiera honetan. Hotzak eta elurrak utzitako zauriak joanak dira eta bizidunek galdutako protagonismoa berreskuratu dute.
Seealpsee (Suitza)
Mendialdeak badauzka erakargarritasun handia bisitariontzat. Ez dugu bertan bizi nahi, ziur. Baina lekuaren handitasuna eta inguruaren ikuspegi zabalak gure barneak arintzen ditu. Horrelako sentimenduen bila hurbiltzen gara gure inguruko harrizko erraldoien ingurura.
Seealpsee (Suitza)
Txikori lore talde batean, bat prest dago bere hazia hegaz egiten uzteko. Hitzez hitz, hegaz egiten uzteko, horrela egingo bait dute bere bidea. Inguruan sakabanatuko dira eta hurrengo belaunaldia hasiko dute.
Seealpsee (Suitza)
Belarra zein loreak indartsu hazi dira negua bukatu zenetik. Itxuraldatu da natura urtaro hotzeneko apaltasunetik oraingo oparotasunera.
Seealpsee (Suitza)
Espazioko irudia al da? Galaxia bat al da irudi erdiko argiunea? Ez da, baina astro batek betetzen du argiz irudia. Edo bere isladak, behar bezala esatearren. Ur gainazalean flotatzen duen polen hautsaren artetik nabarmentzen den zeruko argi bolaren islada da.
Seealpsee (Suitza)
Ura eta polena nahasten dira aintziraren bazterrean. Harri eta adaxken artetik inguruko arbolen ernaltzeko hautsa metatzen doa. Hemen metatutakoak ez du bere helburua beteko. Lakuaren hondoan metatzen bukatuko du edo animaliren batek janean bihurtuko da.
Seealpsee (Suitza)
Ura zikindu du zerbaitek. Mendi aintzira bat zerk lohitu dezake? Udaberriko polena! Inguruko pinuek bere hazia zabaltzen ari dira eta.
Seealpsee (Suitza)
Mendi arrokatsu baten azpi-azpiko lakua lasai dago. Batel ontzi batean bidaitxo bat egiteko aukera da. Familia batek arratsaldea horretan igarotzea erabaki du eta ez da ideia batere txarra.
See Alpsee (Suitza)
Harkaitz nabarmena, urrutitik ikusten dena eta berehala atentzioa deitzen duena ageri da mendi haranaren gainean. Protagonita izan nahi duela ematen du. Bestela ere, hain da ederra.
Seealpsee (Suitza)
Mendi hegala belardi bat da eta horretan bazkan behi talde bat dago. Naturaren garratztasun ederraren erdian, etxe ondotik ezaguna den zer edo zer bereizten da. Goi mendiak ere ez dira leku basatiak.
Seealpsee (Suitza)
Belar goxoaren igo dira behiak mendi haran honetara. Uda osoa dute aurretik udazkenean beheko haraneko kortara bizitzera bueltatu aurretik. Beraien oporra izango al da hau?
See Alpsee (Suitza)
Mendiko behiak alaiago biziko al dira? Belarra goxoagoa omen da eta airea freskoagoa. Hori nahikoa ez bada, zarata ere gutxiago jasango dute.
Frauenfeld (Suitza)
Kaixo tximinotxo. Ondo al zabiltza? Hesi baten barruan bizitza osoa ematea ez da egoera errazena izango.