Eguneko argazki bat
Konstanz (Alemania)
Azpitik ikusita itsas izarrak itxura erabat desberdina du. Gorputza baduela nabari da. Lerro ilunetan elkartutako bentosak nabari dira. Horiei esker lotzen da irmo itsas hondoko harrietara eta pixkanaka ibiltzen da horiei atxikita.
Konstanz (Alemania)
Izkira gorri-gorri honek ia-ia begietan mina ematen du. Hain da kolore distiratsua. Ez du ezkutatzeko behar handirik ikusiko animaliak.
Konstanz (Alemania)
Karramarro gorri txikia harri artetik agertzen da, azkar ingurura begiratu bat ematera. Bueltan bere ezkutalekura sartu da, ez bait du inguruan arduratuko duenik somatu. Beranduago kenduko ditu nagiak eta aterako da janari bila hasteko.
Konstanz (Alemania)
Itsas izarra zapal-zapal itsatsi da urazpiko arrokara eta bertan itxaroan egoten da jatekoa noiz hurbilduko zain.
Konstanz (Alemania)
Itsas trikuak arantza luze eta zorrotzak darabil erasotzaileegandik defendatzeko. Estrategia egokia izan beharko du, animali hau aintzinatik populatzen bait ditu Lurreko itsaso eta ozeanoak.
Konstanz (Alemania)
Bi itsas izar elkarren ondoan daude. Kolore biziko animali hauek harrietan itsatsita ematen dute bizitza. Bizirik daudela sinistea zaila izaten da batzutan. Baina badaude. Jan, mugitu eta ugaltzen dira. Animaliek egiten duten tankerara.
Konstanz (Alemania)
Atsedena hartu igeri ibiltzetik eta momentu batez egon. Animalia horixe bera egiten ari dela ematen du. Azken finean, ez du janari bila etengabe ibili behar eta ez du harrapariengandik ihesean aritu behar. Astia dauka honelako tarteez goxatzeko. Iruditzen zait naturan libre bizitzearen alde hauek ez dituela faltan botako.
Konstanz (Alemania)
Arrain bat guri begira gelditu da. Gure gogoetez ariko al da hausnartzen? Zainduko al du ezer menazagarri ez dugula egiten? Animaliok ez dirudite honelako pentsamodeak izateko kapazak, baina batek daki? Inor galdetu ahal izan die?
Konstanz (Alemania)
Akuario baten urontziaren argi eta itzalen artean igeri egiten dute arrain hauek. Bere bizitoki naturaletan eguzki argia ez zuten bere indar osoarekin jasoko. Berezkoa dute, ziurrenik, honelako egoeratan bizitzea.
Konstanz (Alemania)
Arrain multzo honetan lasaitasuna da nagusi. Ohitutak daude bata bestearen ondoan egotera eta denak kristal baten bestaldeko izaki arraroei so daude.
Konstanz (Alemania)
Arrain bat bere bizitokian dabil hara eta hona. Lekua arrunta iruditzen zaio, pareten artean bilduta dagoela konturatzen den arte. Gainera, paretetako bat beirazkoa da eta hormaren beste aldean gizakiak, bata bestearen atzetik, agertzen dira, atseden gabe. Eskerrak gauez beraien etxera doazela eta gu lasaitasun pixka bat izan dezakegula.
Konstanz (Alemania)
Hara! Zer animalia mota da hau? Marrazoa ematen du, baina biboteak dauzka! Eskerrak ematekoa da, honelako arrainak ikusi ahal izatea. Bestela, lehorreko pertsonok ez genituzke inoiz honelako izakirik ikusiko.
Konstanz (Alemania)
Arrain talde hau ondo konpontzera behartuta dago akuario barruan bizi behar badute. Honi esker ikus ditzazkegu mota desberdinetako animaliak gure etxe ondoan. Baina gustatuko al zaie elkarrekin egotea? Itsasoan aske bizi ezkero ere osatuko al zuten taldea?
Konstanz (Alemania)
Zer egiten du mendi ahuntz baten garezurrak urazpian akuario batean? Apaintzeko beharrak puntu honetaraino eramaten ditu lekuko arduradunak. Arrainek behintzat ez dute arazo izango berarekin. Ezkutaleku edo atsedenleku berri bat besterik ez da.
Zurich (Suitza)
Arrain saldo bat ari da bere egunerokoan. Alde batetik bestera igeri egin eta jatekoaren bila ari. Besterik ez dute egiteko, elkarri mokoka haztea ez bada. Akuarioetan horrela da bizitza, erraza baina mamirik gabea.
Zurich (Suitza)
Nola biziko dira arrainak bere akuarioan. Alde batera eta bestera igeri egin eta beira puska baten bestaldeko izaki erraldoi arraroak behatzea baino ez dute egiten. Beno ba, tarteka jan ere egiten dute. Baina bizitzako beste kitzikagarriak faltan botako al dituzte. Hala nola, aske ugaltzea, harrapakariengandik ihes egitea, janari bilatu eta ez aurkitzea. Beharbada, guztiak ez dituzte bueltan nahi izango …
Gossau (Suitza)
Arrain txiki hau ia gardena da. Barneko organoak itzal modura ageri dira. Buru zabala eta luzea, begi irtenak dauzka. Izaki sinplea da eta bizimodu sinplea dauka.
Appenzell (Suitza)
Formak dauzka animaliaren azalak eta forma horiek apurtzen ditu gaineko irudiaren forma organikoek. Hipnotizagarria da segitzea lerroaren nahasketa nola hedatzen da gorputzaren ertz guztietara.
Appenzell (Suitza)
Ikusgarria arrain hau. Ezkaten gainean larruazala janztearen itxura dauka. Hegatz zabalekin eta isats sendoa darabiltza pauso lasaiean igeri egiteko.
St. Gallen (Suitza)
Aho luzedun arrain honek beste itxura bat dauka. Itsasoak nabigatzen ditu jatekoaren bila. Gorputz handia, ezkata gogorrak, begi behakorra. Ez du saldo baten premiarik bizitza aurrera ateratzeko.