Helsinki (Finlandia)
Kaio bat agertu da. Hurbil dagoen itsasotik dator. Jangai baten bila etorriko al da? Txori hauek guregana horretarako baino ez omen dira hurbiltzen.
Kaioa agertu da (A seagull came)
Hodei ibiltariak (Travelling clouds)
Helsinki (Finlandia)
Hodei zuriak baino ez dira ikusten, haizearekin jolasean dabilen hodei zuri ibiltariak. Gainetik pasatuko dira gutaz berehala ahaztuz eta bere bideari jarraitzen diote. Ez digute euririk utziko. Gu ere beraiez ahaztuko gara laster.
Eguzkiaren argipean (Under the sun light)
Helsinki (Finlandia)
Eguzkiaren argiak gidatzen du badia nabigatzen ari diren untziak. Ez dira lan zailak gaur. Ura leun-leun dago, olaturik ez dira ikusten eta zerua bare dago ere.
Arratsalde bete-betea (Mid-evening)
Helsinki (Finlandia)
Arratsalde bete-betean eguzkia oraindik zeruan altu dago. Bere islada itsaso gainazalean zehar trabarik gabe hedatzen da, kostaldera heldu arteraino. Udaz gozatzeko momentua da.
Saguak eta kamioiak (Mouses and camions)
Helsinki (Finlandia)
Saguak aauto polita aurkitu du jostailu bilduman. Festa batera joateko al da? Lagunarekin oporretan joan nahiko du? Jostailuen museoak ez dira inoiz aspergarriak, ume zein helduentzako.
Zurezko panpin dotoreak (Elegant wooden dolls)
Helsinki (Finlandia)
Egurrezko panpin multzo honek ospakizunetarako jantzi bereziak daramatzate. Edozein momentutan dantzan hasi behar direla ematen du. Zer dantzatuko dute? Abestuko al dute?
Ipuintxoa (A small tale)
Helsinki (Finlandia)
Ipuin bat kontatuko dizut. Eseri eta adi entzun. Bazen behin, urruneko baso batean, etxe txiki bat eta bertan hartz nimino bat bizi zen. Bere mahaitxoan esne katilu batetik edaten ari zen. Basoko fruitu goxoenak non aurkituko zituen pentsatzen ari zen. Saskia hartu eta hara abiatu zen… Bien bitartean, beste hartz kumea bere ametsetan murgildua zen, bera ere basoko fruituen bila zihoala.
Txoritxo batek esana (A small bird said to me)
Helsinki (Finlandia)
Txoritxo batek esan dit…, badela museo txiki eta polit bat jostailu ederrez josia. Umeen eta nagusien gozamena piztu eta aseko duena.
Jostailu multzoa (Toys)
Helsinki (Finlandia)
Detailea zainduz egindako jostailu multzoa da hau. Makina bat umek erabiliko zituzten figurok, bere fantasiazko munduak eraikitzeko.
Urrunagoko begirada (Further view)
Helsinki (Finlandia)
Lurra ez dugu sarri ikuspuntu honetatik ikusten. Urrunagotik eta begiratzeko beste modu batekin, itxura desberdina hartzen du.
Amulako barandatik (From the vessel side)
Helsinki (Finlandia)
Bikote batek bidaia ondo probezten ari da. Amulako barandan jarri eta irla txikiak agertzen eta desagertzen ikusten ari dira. Ez bait da egunero ikus daitekeen gauza.
Kontrol dorrean dena kontrolpean (Under control in the control room)
Helsinki (Finlandia)
Untziko kontrol dorrean dena kontrolpean dute. Makinak bere lana egoki egiten du, itsasoa ez dago mehatxagarri eta beste ibilgailurik ez dabil inguruan. Lasai hartu eta bidaiaz goza dezakete oraingoan.
Motordun txalupa (Motor boat)
Helsinki (Finlandia)
Bote arin batek auto baten lana betetzen du errepiderik ez dagoen lekuetan. Azkar ibiltzen da ur gainean eta lekuetara amen batean heltzen da. Egiten duen zaratak eta erabiltzen duen erregaiak ezezik, beste dena ona dauka garraio modu honek.
Irla bakartia (Solitary island)
Helsinki (Finlandia)
Kostatik hurbil, bertako badian, irlatxoak daude. Horietara bisitan joan eta beraien bizimodua ikus daiteke. Bizitzeko modu berezia izan behar du urez lau aldeetatik inguratua bisitzea. Etxeko leihotik kalera begiratu eta ura baino ez da ikusiko.
Hiriaren profil apurtua (Broken profile of the city)
Helsinki (Finlandia)
Hiriaren profila urrunetik begiratzean, egitura altuak nabarmentzen dira. Ikusi, adibidez, noria zein argi bereizten den. Ez ohiko diren garabiek profil apurtua daukate. Erabat atzean, haizearen mende mugitzen diren kotoizko hodei zuri erraldoiak daude.
Untzi baten lorratza (Track of a ship)
Helsinki (Finlandia)
Untzia itsasoan barrena abiatu da. Atzean hasiera duen hiria eta uhin lorrats bat uzten du.
Untzia eta hiria (Ship and city)
Helsinki (Finlandia)
Untziz urruntzen ari gara hiri zoragarri honetatik. Itsasotik ere dotorea da. Bidaia lasai doa, udako egun baketsua eta eguzkitsua bait da. Egokia inguruetako irlak ezagutzeko.
Txirrindula ilada (Row of bikes)
Helsinki (Finlandia)
Ilada hau jasangarritasunaren irudia da, karbono gabe bizi nahi duen gizarte baten irudia.
Kaioaren begirada (The look of a seagull)
Helsinki (Finlandia)
Kaio bat portuan zain dago. Badaki sariren bat jaso dezakeela bertan nahikoa denbora igaron ondoren. Izango da arrantzale batek edo kale saltzaile batek utzitako arrain puska bat. Bestela azokako bisitariren batek utzitako ogi zatia ahoratu lezake. Bestela ere, aireratu eta ur handietara habia daiteke arrantza egitera.
Katearen helduleku koloretsua (Colourful anchor of the chain)
Helsinki (Finlandia)
Kate mardula moila indartsuari lotua behar du. Lan garrantzitsua egiteko diseinatuta badago ere, edertasunari ez dio uko egin beharrik. Kolore hori biziak dotoretasuna ematen dio.