Eguneko argazki bat
Teufen (Suitza)
Atso zaharrak zaintzen du sarrera. Sorgina edo amona goxoa den ez du inporta. Katua alboan dauka eta txoriek buruko zapian paratu zaizkio. Koloretsuak dauzka jantziak eta ateko giltzan gerrian.
Somma Lombardo (Italia)
Elurretarako trineoa, garai batekoa, kotoizko elurraren gainean. Horrela agertzen da herrixka baten denda txiki batean.
Cardano (Italia)
Elizako aldarea prest dago elizkizunerako jantziak soinean daramtzalarik. Harri mota nobleez egina dago eta irudi aberatsak zizelkatuak ditu. Tokiko fededunak zerbitzatzeko zain dago.
Santa Maria Maggiore (Italia)
Irudi erlijiosoak etxe baten atea apaintzen du, etxerako eta bertan bizi direnentzat babesa bilatu nahiean edo.
Santa Maria Maggiore (Italia)
Olibondo adarrak bakea sinbolizatzen du. Kandelak, berriz, iragankortasuna gogorarazten digu. Gure bizitza eta gure jarduera osoak direla esateko, egon behar duten elementu ezinbestekoak.
Santa Maria Maggiore (Italia)
Armarri polita eta koloretsua. Historia txiki bat kontatzen ari da hemen. Familia batena, eliza batena eta herri batena ere.
Santa Maria Maggiore (Italia)
Eseri edo belaunikatu egiten da hemen jende fededuna, apaizak zer esateko duen entzuten duen bitartean. Egitura xumea baina sendoa, makina bat belaun eta ipurdiri eusteari egokituak eta, zihurrenik, ohitua ere.
Santa Maria Maggiore (Italia)
Gurtzeko eta otoitz egiteko zentruak dira elizak. Santuz beterik, bakoitzak aukera dezake nori eskeini bere otoitzak eta nori erregutu bizitzako aldapak lausotzeko.
Santa Maria Maggiore (Italia)
Elizetako zurezko eserleku mardul hauek fededunak eta bisitariak jasotzen ematen dute denbora luzea. Tartean, inskripzio eta zizelkadura ederrak jaso izan dute
Santa Maria Maggiore (Italia)
Eserleku hauek urteetan zehar jaso dituzte fededunak. Bitartean, inguruaren eta elizaren historia zati bat gordetzen dute.
Malesco (Italia)
Etxebizitzak altueran jarriak dira, solairu bakoitzak leiho bana agertzen duelarik. Simetria polita da, bestela itxura xumea duen eraikuntza honentzat.
Malesco (Italia)
Ate itxia eta leiho itsua kaleari bizkarra ematen ari direla ematen dute. Barruan barrukoa eta kanpoan kanpokoa, gauza bakoitza bere lekuan.
Malesco (Italia)
Sarrera zaintzen urteak eman dituela nabari zaio egurrezko ate lirainari. Zahartasunak, baina, dotorezia ez dio kendu.
Malesco (Italia)
Harrizko zutabea eta gainean metalezko gurutzea monumento ezhoizkoa da, ez da ala? Argi-kontrara, zeru hodeitsuaren aurrean eta arratsaldeko eguzki ahuldupean irudikatua itxura misteriotsua hartzen du.
Malesco (Italia)
Aldarea egoki dago apaindua ehundutako tapizekin. Aurrean jarritako kandelak argi goxoa ematen dio inguruari. Berez ederra diren elementuak gehiago edertzen ditu.
St. Gallen (Suitza)
Apaingarri bat negu parterako, udazkenean jasotako adarrekin eta pinaburuekin egina. Tonu epelak detaile argiekin nahastua. Kanpoan, berriz, garaiko elur zuria atzematen da.
St. Gallen (Suitza)
Txirula jotzen ari den neskatxa izoztuta gelditu zen iturri gainean. Etengabe joaz, ura edatera hurtiltzen direnentzat eta txori egarberentzat.
St. Gallen (Suitza)
Leihoa estua eta altua, katedrale neogotiko batean. Elegantea eta fina. Argi kontrastea sortzen du kanpoko argia eta barneko ilunantzea.
St. Gallen (Suitza)
Tutu zabal luzeak sabaiarantz luzatuz. Metala eta zura nahastutako diseinu galantaduna. Hornidurak urre kolorean. Organo aberatsa katedrale aberats baterako.
St. Gallen (Suitza)
Organo handia elizaren goietan jarria, soinua leku guztietara heda dadin, bere handitasuna leku guztietatik ikus dadin.