St. Gallen (Suitza)
Lanbroa heltzen ari da hirira. Pixkanaka ezkutatzen ditu inguruko basoak, gero etxeak, kaleetara eta errepideetara heldu arte. Irentsi bezala egiten ditu, tapaki lodi batean ezkutatu.
Lanbroa heltzen (Coming fog)
Etiketa: lanbro
Egun lanbrotsua (Overcast)
Laudio (Euskal Herria)
Egun lanbrotsuetan argia lausotzen da. Zerua buru gainean izatearen inpresioa izaten da ere. Euria agintzen dute honelako egunek, bazterrak geruza fin distiratsuarekin estaliko dituena.
Elurra eta lanbroa nahasian (Snow and fog)
St. Gallen (Suitza)
Elurra nonanhi metatzen joan da. Gaur lanbroarekin nahastuta ageri da. Aurten elur urtea izan da eta luze iraun du inguruko zelaietan eta mendietan.
Petraldu da eguraldia (The weather went bad)
St. Gallen (Suitza)
Petraldu da eguraldia. Lainoa jeitsi, eguzkia estali eta eguna ilundu da. Trenean ibilita eguna azkarrago joaten da.
Eliza lanbro artean (A church in the mist)
St. Gallen (Suitza)
Eliza lanbro artean eta zuhaitzen atzean ezkutatzen da. Adar biluziek, baina, forma borobilak eta dorre puntadunak ikusten uzten du.
Adar soilak (Empty branches)
St. Gallen (Suitza)
Zuhaitzak udazkeneko jantzia darama soinean. Adar soilek eta hosto marroixkek egiten dute sasoiko irudia.
Adaburuak (Treetops)
St. Gallen (Suitza)
Arbolen adarrek hostorik ez dute, adaburua lanbroan galtzen da.
Parke bakartia (Quiet park)
St. Gallen (Suitza)
Parketxo lasai bat, goiz hotz honetan bakardadea eta lasaitasuna bilatzen duenarentzat egoki.
Egun lanbrotsu betea (Foggy day)
St. Gallen (Suitza)
Egun lanbrotsuak hiria itxuraldatzen du. Eguerdian ilunabarreko argiaren leuntasuna nabaritzen da.
Txanodun berokia soinean (Wearing a hooded jacket)
St. Gallen (Suitza)
Ez dago giro kalean ibiltzeko. Berokia jantzita, txanoarekin eta burua sorbalda tartean sartuta ibili behar da.
Laku lanbrotsua (Foggy lake)
Rapperswil (Suitza)
Zurich lakua udazken bukaeran lanbroak estaltzen du. Untziak geldirik, ur lasaia. Gaur ez da lakuan ibiltzeko eguna. Ez da giro.
Izotza eta lanbroa nagusi (Ice and mist everywhere)
Appenzell (Suitza)
Adar zuriak zuhaitzen neguko jantzi. Lanbroak eta hotzak ehundutakoa.
Paisai elurtua Appenzellen (Snowy landscape in Appenzell)
Appenzell (Suitza)
Paisai elurtua Appenzelleko baserrian. Belardiak hesiek banatuta eta etxe soila mendixka baten gailurrean. Zuhaitz biluztuak ere, abarren iluna elur zuriarekin kontrastea eginez.
Harkaitz pareta (Rock wall)
Pfäfers (Suitza)
Egun goibela bailara estuan. Behelainoak harkaitz hormak mihazkatzen ditu. Udazken arbolak hostoak gorrituak dauzkate.
Elurra eta lanbroa (Snow and fog)
St. Gallen (Suitza)
Elurra eta lanbroa ohizkoa da St. Galleneko mendialdean. Ondoan dagoen Konstanza lakuak (Bodensee) bidaltzen du udazkenetik, udaberrira bitartera. Ihes egiteko, nahikoa da mendian buelta bat ematea.
Baserri bat lanbro artean galdua (Country house lost in the fog)
St. Gallen (Suitza)
Egun honetan ere behelainoa ez zen egun osoan kendu. Mendi buelta egiten baserri honen ondotik pasatu nintzen. Tximiniako kea lanbroarekin nahasten zen eta etxaldea jan behar zutela ematen zuen.
Lanbro koloretsua (Colourful fog)
St. Gallen (Suitza)
Atzoko irudi hemen. Orain baina, edizioarekin jokatu nuen irudiari hondoko kolorea gehitzeko. Lanbroak efektua lagundu du argi horixka ematen.
Bide lanbrotsua (Foggy path)
St. Gallen (Suitza)
Basoan zeharreko bidea urrunean lanbroan galtzen zen. Izotza arboletan zetzan. Negu beteko arratsaldea Suitzako mendialdean.
Enbor ebakia bidean (Cut trunk)
St. Gallen (Suitza)
Bidean enbor ebaki hau aurkitu nuen, inguruan zegoen bakarra. Basoa lanbroan murgilduan zegoen eta arratsaldeko azken eguzki errainuak zuhaitzen artean ageri ziren.
Lanbroari eguzkiak fereka (Sun caresses the fog)
St. Gallen (Suitza, Switzerland)
Mendi gainetik ikuspegi polita zegoen. Lanbroak bailara betetzen zuen eta arratsaldeko eguzkiak gainak gozo berotzen zituen.