Eguneko argazki bat
Helsinki (Finlandia)
Elurretako hontzak behar du kolore argiak izan paisai zurituetan bere burua ezkutatu ahal izateko. Bestela ez du jatekorik aurkituko. Saguek eta bestelako harrapakinek erraz ikusi eta izkin egingo liokete.
Helsinki (Finlandia)
Orkatza ihesean eta tigrea segika, bizitzearen alde gogorraren irudia da. Batak jan bila dago biziraun behar duelako. Besteak heriotzari izkin egin nahi dio, oraindik eginbehar garrantzitsuak bait ditu, hala nola, ugaltzea edo bere kumeak zaintzea.
Helsinki (Finlandia)
Indar osoz egiten du salto tigre poteretsuak. Zerk eramango du hala jokatzera?
Helsinki (Finlandia)
Deiadar erdian izoztua gelditu da orkatz hau. Ariko al zen familiakideak deitzen? Ordez, bikote bila ariko al zen?
Helsinki (Finlandia)
Begirada lotsatia dauka plantigrado erraldoi honek. Momentu intimo batean harrapatuko genuen. Bazkaria jateko prest edo lotara joateko garaian.
Helsinki (Finlandia)
Bizitzearen drama antzeztea nahi dute museo honetan. Aktore asko eta ederrak lortu dituzte bere antzezpenerako. Natura hilaren dotorezia baliatu dute imagina ikusgarriak sortzeko.
Helsinki (Finlandia)
Bi animali handi, bata bestearen kontra eginez. Batak ihes egin nahi du, besteak hura harrapatu eta jan. Ez dira lagun onak bihurtuko, ez. Biak dira naturak sortutako izaki ederrenetariko bi, bakoitza bere moduean zoragarria dena.
Helsinki (Finlandia)
Zer da hau errinozero ileluze bat? Irudimenari aurre hartzen diete animaliok.
Helsinki (Finlandia)
Altzea iluntasunean murgilduta dago. Ez al dago deiadar bat egiteko prest? Hau bezalako museotako animaliak oraindik bizirik dirauetela ematen du.
Helsinki (Finlandia)
Islada eta argi jolas artean murgilduta dago museoko animali erraldoi hau. Garaiotan belardi erdi izoztuetan zehar ibiliko zen aske. Animali ikaragarria izango zen ikusteko eta beldurgarria bere ondoan egoteko.
Helsinki (Finlandia)
Harrapakariek harrapakinak ehizatzen dituzte. Harrapakinek harrapariengandik ihes egiten dute. Hori da benetazko bizitza naturan. Gure bizitzaren metafora bat ere bada. Izan ere, ez gara gure animali iraganatik erabat aldendu, ezta aldenduko ere…
Helsinki (Finlandia)
Lehen ikusitako lehoiaren bestelako animalia da hau. Hanka fina eta luzeak ditu. Burua adarrekin jantzia du eta begi handiekin ingurunea urduri behatzen du.
Helsinki (Finlandia)
Animalia hau ez da existitzen. Asmatutakoa ere ez da. Desagertutako lehoi mota bat da. Europako iparraldean elurretan bizi izandako lehoia da. Gaur egun arrotz egiten da bizitoki hotzetan bizi deneko horrelako katu erraldoitan pentsatzea, baina ez da beti horrela izan.
Helsinki (Finlandia)
Kaio bat agertu da. Hurbil dagoen itsasotik dator. Jangai baten bila etorriko al da? Txori hauek guregana horretarako baino ez omen dira hurbiltzen.
Helsinki (Finlandia)
Kaio bat portuan zain dago. Badaki sariren bat jaso dezakeela bertan nahikoa denbora igaron ondoren. Izango da arrantzale batek edo kale saltzaile batek utzitako arrain puska bat. Bestela azokako bisitariren batek utzitako ogi zatia ahoratu lezake. Bestela ere, aireratu eta ur handietara habia daiteke arrantza egitera.
Konstanz (Alemania)
Karramarro hau beirazko leihora hurbildu da mundu arrotzari begiratu bat emateko. Bi begi txikiak jakinminez mihatzen dute eta gorputza hanka zorrotzen gainean tente jartzen den bitartean.
Konstanz (Alemania)
Kolore biziak eta fantasia handiko formak ugari daude itsas azpian. Bizitzaren jatorria bertan dago eta aniztasuna handiagoa izango da. Ura eta bizitza, bizitza eta ura. Biak elkarrekin doaz eskutik.
Konstanz (Alemania)
Hurbiletik arrain bat ikustea ez da ohizkoa. Ur elementuak guretzat duen arrotztasuna, arrainei ere luzatzen da. Akuario batean oztopo honi gailentzen zaio beirazko xafla bat jarriz gure eguratsa eta arrainen ur masaren artean. Elkarri hurbiltzen gatzaio eta elkar behatzen dugu. Arrotztasuna harridurarekin ordezkatzen da.
Konstanz (Alemania)
Arrainek kolore distiratsuak izaten dituzte, baina uretatik kanpo bizitzeak zailtzen digu horiek bereiztea. Urak berak argia jaten du eta ingurua kolore goibelez margotzen du. Arrotza zaigun ingurunea, orduan eta arrotzagoa bihurtzen digu.
Konstanz (Alemania)
Gorputz sendo eta luzea. Azala leun eta distiratsua. Animali dotorea da hemengo hau. Arrain izena edo mota ez dut ezagutzen, hala ere edertasuna agerizkoa da.