Adreilu gorrizko dorrea (Red brick tower)

Ivrea (Italia)

Adreilu gorriz eraikitatako dorre altu eta sendo honek historia ugari ikusi ditu beheko hirian. Beti zaindari, beti adi.

Oihalez betetako kutxak (Boxes full of clothes)

Degersheim (Suitza)

Kutxak uzten joan dira, barruan zeuden oihal puxkak orain kaleetako zoruan daude zabal-zabal.

Oihalak lurrera (Clothes to the floor)

Degersheim (Suitza)

Oihalak lurrera. Herria apaindu behar dugu eta piknik erraldoia egin. Antolatzaileek herritarren eta bisitarien laguntza eskatu dute. Herriko kaleak apaindu nahi dituzte eta esperientzia kolektibo bat sortu.

Zaldi baten profila (Profile of a horse)

Gossau (Suitza)

Aurpegi tristea al dauka zaldi honek? Ez da izango itxura sendoa eta larruazal ederra ez duelako. Ez da izango handia eta indartsua ez delako. Izango al da hesiaren alde batean bizitzera behartuta dagoelako? Horri emango al dizkio buelta bat eta gehiago bere buru luze horretan?

Arrain txiki koloretsua (Small colourful fish)

Gossau (Suitza)

Arraintxoa koloretsua da. Lasai asko dabil uretan. Bere akuarioan kezka handirik edukitzerik ez du. Jan eta egotearekin nahikoa du.

Drupa gorriak (Red berries)

St. Gallen (Suitza)

Hara! Ze fruitu gorri ederrak. Hau bezalako egun hotzetan eta elurtuetan emango die zenbait animaliri zer jan. Neguko gosea arintzeko bide bat izango da. Baina, hain kolore biziak eta multzo handitan dauden basa fruituak nola iraun dute negu hasiera arte? Garratzegiak izango dira? Pozointsuak ere? Beharbada, behar handiagoetako garaietarako gordeko dituzte txorinoek eta beste piztiek?

Uda itxurako leihoa (Summer like looking window)

Müstair (Suitza)

Leihoa lorez ondo apaindua dago. Uda erdian itxura ederra hartu du. Krabelin gorriek alaitasuna eta argia ekartzen dute etxera. Hormaren kolorea eta bere apaindurekin ondo jotzen du. Ederki jarritako apaindura da hau.

Fruitu txiki gorriak (Small and red fruits)

Müstair (Suitza)

Fruitu txiki hauek txorinoentzat jateko garrantzitsuak dira. Tripa erraz betetzen dute berau ugari den garaietan. Negurako prestaketa hasteko ez da bide txarra.

Lorratza (Track mark)

Mörschwil (Suitza)

Lorratzaren bidean landareak zanpaturik gelditu dira. Lore bat txiripaz geratu da salbu. Zerealak, baina, bere lekua errekuperatzera egiten dute. Beteko dute berriro gelditutako hutsunea.

Arrain txikiak (Small fishes)

Lausoan ikusten dira arrainak. Beraien dinamismoaren seinale. Izutiak ematen dute. Gregario hutsen jarrera izan dezakete. Beren hara eta honakoak, baina, zio bat dute. Beraien existentzia betetzen dute. Begi handi beltzen atzean garun bat borborrean dago.

Oilar bat profilez (Profile of a cock)

Gais (Suitza)

Profilezko irudian oilarra pentsakor dagoela ematen du. Garuna txikia omen dauka, baina horren barrunbeetan gogoetek eta oroimenek bere lekua izan beharko dute.

Oilar baten detailea (Detail of a cock)

Gais (Suitza)

Oilar bat hurbiletik ikusteak merezi du. Gandorra, kokotsa eta belarritxoak buruari eite berezia ematen dio, berebiziko dotorezia.

Oilar ederra (Magnificent cock)

Gais (Suitza)

Itxura zoragarria du oilarrak. Gandor eta kokotsa handi eta gorriak ditu, belarritxoak ere, eta lumak marroi-gorrixka distiratsuak. Pena da kaiolan sartuta ikusi beharra. Animali honek behar du hankak luzatzea, mugitzea.

Etxe-orratz gorria (Red skyscraper)

Dubai (UAE)

Dorre honek beste sorpresa bat gordetzen du. Apaingarri moduan erabilitako koloreek formak betetzen eta margotzen dituzte. Ondo zainduta daude eraikuntza berezi eta bereizgarri honen detaileak.

Arratsa nagusi (Sunset takes over)

Zurich (Suitza)

Arratsaren kolore bizi eta gorriztatua gailenduz joan da zeru osoa hartzera heldu arte. Lurretako detaileak galtzen doazen einean, zeruetako koloreak eta argi jokoak baino ez dira gelditzen gaua heldu bitartean.

Herri jauregia (Town palace)

Liérganes (Espainia)

Herriko jauregiak, tokiko jauntxo baten lorirako eraikitakoa, plaza batean eraiki zen. Non bestela, aberastasuna eta boterea erakutsi beharrekoa bait zen garai batean.

Arratsaldeko argi printzak (Evening light rays)

Cardano (Italia)

Arratsaldeko azken argi printzetan gorria nagusitzen da. Udazken beteko koloreekin bat egiten du. Gure inguruak edertzen dituzte eguneko azken momentu horiek.

Marroitik horira gorritik pasatuta (Brown to yellow going through red)

St. Gallen (Suitza)

Marroitik horira gorritik pasatuz dute kolorea erori berritako hostoak. Bere urteroko lana betetakoan ahitutak gelditzen dira eta pixkanaka galtzen dute berde kolorea. Beharrezkoak ez direla eta lurrean biltzen dira. Alfonbra leunarekin apaintzen dituzte gure inguruko basoak eta herriak.

Azkenengo gutizia (Last craving)

Appenzell (Suitza)

Postrea bada bazkari on bat ospatzeko garaia. Aurrekoa gustatu ezkero, nola ez hartu azkenengo gutizia bat.

Kaktus koloretsua (Colourful cactus)

St. Gallen (Suitza)

Kaktusek itxura panpoxa dute, mamia puztuta edukitzearen itxuraz, urez bete-betea. Forma fintzeko kanpoa arantza koloredunekin apaindua dago. Gehiegi ez dute behar aurrera ateratzeko, eguzki argi nahikoa eta ur pixka bat.