Eguneko argazki bat
Freiburg (Alemania)
Harri bat landu eta segida erregularrean pilatu. Horrela bat bestearen atzetik jarriz, etenik gabe, paretak egiten dira. Ahaztu gabe leihateetarako lekua uzteaz. Argia iragazi eta eraikuntzaren barrualdea kolorez betetzea dute helburu.
Freiburg (Alemania)
Gau gazteak katedral baten paretak argiz margoturik ikusten ditu. Eraikuntzaren formak eta artea ederki azpimarratzen du.
Freiburg (Alemania)
Gau giroa nagusitu da kaleko argiek argiztatzen ez duena ilun dago. Kaletik oraindik dabiltzan pertsona bakanak itzalak dirudite.
Freiburg (Alemania)
Zerua ukitzeraino altxatzen da dorre sakratua. Helburu hori inoiz betetzea ezinezkoa bada ere, lortu duela ematen du. Behetik begiratzen duen jende arruntak halako itxura hartuko zion, behintzat.
Freiburg (Alemania)
Harria bloke bakarra osatzen duela ematen du. Izan ere, hain ondo eginak daude arkitektura elementuak eta apaingarriak. Detaile ugari eta edertasun handikoak dituzte elementu guztiek.
Freiburg (Alemania)
Mendeetan zehar egon da emakume baten estatua katedralearen aurrekaldeko plaza zaintzen. Pasioa adierazten dute bere aurpegiak eta bere gorputzaren keinuak.
Freiburg (Alemania)
Habe finez egindako dorre liraina aurkitu dugu. Apaindura finak sortzen dituzte elementu mehe eta luzeek. Eraikuntza altua, arina eta itxura ederrekoa sortu zuten hiri honen biztanleen arbasoek.
Freiburg (Alemania)
Tximiniak eta dorretxoak han eta hemen. Elementuok apaingarri ziren, apaindura zentrala zen garaian. Dorreak erabili zituzten, elizen altuera jainkoarenganaino hurbiltzeko moduak ziren garaian.
Freiburg (Alemania)
Hormabular sendoak, bata bestearen ondoan, eraikuntza erraldoiaren pisuari eusteko. Ehundaka urte iraun dute bere lekuan eta oraindik irauten dute. Dotoreak dira. Maisulanak dira
Freiburg (Alemania)
Plaza zabal honetan, arkitekturaz gain zerua ere protagonista da. Katedralaren dorrea ortzira begira dago. Berarengandik heltzen zaion arrats argiak itzalez betetzen ditu bere hormak.
St. Gallen (Suitza)
Egun eguzkitsu eta beroa. Ederra da udaberria. Azkenean, kanpoan esertzea dago edo jertsea kentzea eguzkitan eseri bitartean. Kalea hartu dugu egun librea izan bezain laster.
St. Gallen (Suitza)
Isiltasuna mesedez. Lekuaren bakea zaintzeko eta otoitzean ari den jendea errespetatzeko beharrezkoa da sosegua izatea.
St. Gallen (Suitza)
Eskilarak, leihoak, zurezko altzairu barrokoak argazki baterako elementu egokiak. Eliza edo katedrale honen txokoek badaukate xarma.
St. Gallen (Suitza)
Dorre garaiak eliza handia egiteko. Harrizko kutxa bat espazio handia eta berezia sortzeko.
St. Gallen (Suitza)
Pulpitua urre koloretsuz apaindua, bada katedralearen aberastasunaren erakusgarri. Barroko nabarra pareta eta kolumna zuri monumentalen gainean.
St. Gallen (Suitza)
Katedrale barrokoaren detailea. Bolumen handiko eskulturak, detaile askorekin, forma borobilduak. Dena harrian zizelkatua.
Helsinki (Finlandia)
Uspenski katedrale ortodoxoak katedrale protestanteari egiten dio so ondoko muino batetik. Errusiar garaitik datorren ondarea da hau eta gaur egun oraindik erabilgai dago.
