Eguneko argazki bat
Cardano al Campo (Italia)
Zuhaixken adar finek hostoak erortzen utzi dute. Horrekin batera, basoaren kolorea berdetik marroira mudatu da. Hosto idor denak ez daude lurrean. Batzuek bere lekuari eutsi diote adarretik zintzilik.
Müstair (Suitza)
Marrubi basatiak goxoenak izan daitezke ongi helduak daudenean. Kolore gorri bizia hartzen dutenean basoko perlak bihurtzen dira, perretxikoen baimenarekin.
St. Gallen (Suitza)
Animali honek ez du bapatean gosea asetuko. Jan eta jan dabil sastrakak hostoz eta azalez hustutak utzi arte. Ez da ulergaitza, ahuntzek hartu duten ospe txarra. Ospea baino gehiago bada.
Appenzell (Suitza)
Sastraka lausotuta ageri da eguneko eguraldiaren ezinegonagatik.
Appenzell (Suitza)
Udako egun eguzkitsu baten erdian itzal gutxi batzuk baino ez dira ikusten. Belardia bidexka batek igarotzen du, bidezidor sigi-sagatsuak. Aldeetara sastrakak eta arbola bakan batzuk baino ez ditu uzten.
St. Gallen (Suitza)
Sasi artean hazi dira perretxiku bi hauek. Bikote polita osatzen dute arbolen itzalpean. Onddoa lurpean apal bizi den bitartean, lorea lurgainean pertxenta ageri da.
St. Gallen (Suitza)
Hostoak sortu berriak, berde-berde, zuhaixkak ere lore mordoa ditu. Pistilo horiak intsektu polinizatzaile baten zain.
Orain dela gutxi Georgia O’Keefferen lanen erakusketa batean egon eta liluratuta gelditu nintzen Mexiko Berriko desertuko margoetan darabilen koloreez. Hori gogoan egin dut irudi hau, nahiz eta lekua ez den Mexiko Berria eta argazkia ez dagoela Georgia O’Keefferen lanekin parekatzerik.
Last day I was in a exhibition of Georgia O’Keeffe. I was impressed about the colours in her paintings of the dessert of New Mexico. That’s why this picture, although this is not New Mexico and I cannot be Georgia O’Keeffe.
