Eguneko argazki bat
Müstair (Suitza)
Horma osatzen duten harriak ageri dira estaldura zaharraren zuloen eta pitzaduren artetik. Pareten profil urratuak itzalean ere isladatzen da. Marra okertua sortzen du. Itzal iluna eta argiz beteriko harriaren arteko muga okertua bihurtzen da.
Müstair (Suitza)
Erliebedun margoa. Margotutako eskultura bat. Biak izan daiteke hau. Emakumeen irudiak dira protagonistak eta bizitzan erakusten duten pasioa erakusten du. Atzekaldeko gaztelua eta harroka, hala nola urre koloreko arropa aberatsak dira aipagarriak.
Müstair (Suitza)
Kristal koloreztatuekin apainduriko leihoak luxua dario. Oholaren kolore marroi epelak eta beiraren urdin lasaigarriak bat egiten dute. Eguneko argia iragazten eta edertzen dute.
Müstair (Suitza)
Aldare nagusian erlijioaren pasioa irudikatzen duten margoak ageri dira. Jarraitzailearen gogoa eta morala hezitzea dute helburu. Garaiko propagandatik zeozer ere izango dute.
Müstair (Suitza)
Sabai batek, teilatuaren beste aldeak, gelaren goia bete eta estaltzen du. Kanpoko aldea eguratsaren erasoen mende dago. Barrualdean, berriz, morrontza horretatik aparte egonik, apaindura finenak erakuts ditzazke.
Müstair (Suitza)
Sabaia hau historia liburu baten parekoa da. Lekuko istorioak eta jendeen memoria gordetzen du, desagertu eta denbora luzera. Arkitektura lan fina ere bada, mendeen erasana jasateko kapaza.
Chur (Suitza)
Akerrak adarrak okerrak ditu. Harrizko akerrak iturri gainean datza. Iturriak urarik ez dario. Iturria harriz egina dago. Eskualde honetan akerrak eta harrizko mendiak lekuko sinboloak dira.
Dubai (UAE)
Pasealeku zabal batean arku ederrak gehitu eta lanpara ikusgarriak jarri eta gero, itxura aberatsa ematen du. Paretak, baina, ez dira benetazko harriaz eginak eta kolumnak ez dira harrizko pieza bakanak. Lekuaren tamaina, bai, bada aberatsa, asko gainera.
Dubai (UAE)
Gamelua animali exotikoa da gure inguruan, basamortu eremuan, berriz, animali ohikoa eta desiratua, maitatua, da. Lekuko iruditerian aurreneko posizioa du eta bere itxura estetikoa nonnahi ageri da.
Dubai (UAE)
Publizitate argazkiak ederrak eta sakonak izan daitezke. Erretratu hurbilek beti arima bilatu eta aurkitzeko tresna ezinhobeak dira.
Dubai (UAE)
Ur eta argi ikuskizunak gau iluna era ikusgarrian betetzen du. Ur txorrotak dantzaka aritzen dira musikaren harira, ikusleen gogoa harrapatu eta harridura eragiten saiatuz.
Dubai (UAE)
Gauean irudikatzen dute etxe-orratzen argiek. Beltz iluna puntodun mosaikoa bihurtzen dute.
Dubai (UAE)
Dorre honek beste sorpresa bat gordetzen du. Apaingarri moduan erabilitako koloreek formak betetzen eta margotzen dituzte. Ondo zainduta daude eraikuntza berezi eta bereizgarri honen detaileak.
Dubai (UAE)
Jauzilari estiloso eta adituek itxura dotorea daukate. Erortzen den urarekin harmonian daude. Geometria perfektua eratzen dute ere.
Dubai (UAE)
Gizonak etengabe erortzen geratu dira. Izoztuta airean, urez inguratuak eta jendearen begiradapean. Estatua xelebreak dira benetan. Nekez esan dezaket gustatzen zaidala, baina harridura bai pixten didala.
Santoña (Espainia)
Urte mordo bat hemen egon ostean, aintzinako oroitzapen ugari gordeak izango ditu. Horregatik zuri-beltza, memoriak zuri-beltzean izango bait ditu eliza zahar honek.
Berlin (Alemania)
Ikusgarria eta dotorea da monumentu gaineko estatua. Bronze berdeztuz egindakoa, indarra eta sinbolismoa dauka. Armarriak harrotasuna, aberriarekiko harrotasuna, adierazten du. Honek egingo zuen erakargarri zenbaitentzat eta askok bide okerrera bideratu zituzten sentimendu horiek.
Appenzell (Suitza)
Mendi loreak aukeratu dituzte apaingarri modura. Loreak txikiak eta sinpleak dira, baina ederrak aldiberean. Kristalezko lorontzi txikiek fresko mantentzen dituzte.
Appenzell (Suitza)
Eserleku bigun hauek bertan atseden bat hartzeko eskatzen dute. Larru xamur horren gainean primeran errekuperatzen da bat neketik. Astia har daiteke eta ingurua dastatu, museo honen txoko bakoitzak interes puntu bat bait dauka.
Appenzell (Suitza)
Adreilu lantegia izandako eraikuntza hau zoragarria da. Adreilua tximinian eta lurrean erabili da beroa hobe jasan dezan. Zurezko egitura batek osatzen du ola zaharra. Kolore gorria nonahi ageri da lekuari nortasuna emanez. Zementuzko elementu berriek lekuaren izaera indartzen dute. Museo garaikidearen itxura ematen diote.